Imos á procura dun soño, faremos lúas de papel
Levamos a choiva nos ollos, o mellor aínda está de ser
Imos á procura dun soño, tentarémolo conseguir
A maxia está do noso lado e levarémola xunto a ti
Todos somos capitáns
Compañeiros de lugar
Ti sorrís coma nós
Porque somos coma vós.
Imos á procura dun soño, por lonxe que pareza estar
Nadaremos cos golfiños polas ondas do teu mar
Imos á procura dun soño, pecha os ollos e verás
Hai estrelas e camiños que sempre nos guiarán
Todos somos capitáns...
Imos á procura dun soño, faremos lúas de papel
Levamos a choiva nos ollos, o mellor aínda está de ser
Todos somos capitáns…
Magín Blanco. A Nena e o Grilo nun Barquiño. Editado por Fol Música, 2013.
Agradecemos a Magín Blanco que nos permita a reproducción da letra da canción TODOS SOMOS CAPITÁNS no Informe Escolas Unitarias, escola de vangarda, escola aberta ao futuro. Tamén agradecemos a súa satisfacción polo uso da canción a modo de banda sonora da iniciativa.
Escoita, escoita,...
que a singradura de A Nena e o Grilo nun Barquiño chegará a porto no Centro de Servizos Sociais de Coirós como parte da Iniciativa Escola Aberta ao Futuro. Será o venres 6 de Xuño en horario lectivo, no marco do desenvolvemento das IV Xornadas de Convivencia CEIP Vales Villamarín-Escolas de Coirós.
Ningún comentario:
Publicar un comentario