BONO5 Escola Aberta

Podes premer na imaxe para ver en detalle.

Presentación Pública do Informe Escolas Unitarias, Escola de Vangarda, Escola Aberta ao Futuro.

Data: Venres 13 de Xuño ás 17 horas

Lugar: Salón de Actos CEIP Francisco Vales Villamarín de Betanzos.

-Presentación do Informe Escola Aberta ao Futuro. Por parte do equipo de Redacción.

-As Escolas Unitarias da Zona de Betanzos en Imaxes (Video).

-Espectáculo Poético-Musical MOITA POESÍA, POUCA DIVERSIÓN. A cargo das Poetas María Lado e Lucía Aldao.

Haberá exemplares impresos do informe Escolas Abertas ao Futuro e camisetas verdes de apoio ás escolas unitarias facilitadas polo Concello de Coirós.

A poesía e a diversión poñémola ás familias polo que desde a Iniciativa Escola Aberta ao Futuro, propoñemos financiar o espectáculo poético-musical nós mesmas a través da colaboración voluntaria mediante os BONO5 con aportacións de 5 Euros/Familia ou colaborador/a.

Para colaborar, podes:

1-Recortar o BONO5 e enviarllo a través da mochila do/a alumno/a á/ao mestra/e do teu centro escolar.

Ou tamén:

2- Ingresar 5 Euros na conta ES93-2080-0018-0930-4003-1085 da ANPA O CRUCEIRO da EEI de Coirós e avisar mediante e-mail a escolabertaofuturo@gmail.com cos teus datos.

De antemán, grazas. Sen a túa colaboración non sería posible

Presentación do Informe Escola Aberta ao Futuro

Podes premer na imaxe para ver en detalle

O vindeiro venres 13 de Xuño ás 5 da tarde no Salón de Actos do CEIP Francisco Vales Villamarín realizarase a presentación pública do Informe colaborativo Escolas Unitarias, Escola de Vangarda, Escola Aberta ao Futuro.
PROGRAMACIÓN

17:00 Presentación do acto a cargo do equipo de redacción do documento.
Andrés Otero, director CEIP Francisco Vales Villamarín
Olga Abella, mestra responsable da Escola de Educación Infantil de Fontelo-Ois
Susana García, mestra responsable da Escola de Educación Infantil de Souto
Conchi Fernández, mestra responsable da Escola de Educación Infantil de Coirós
Yolanda Sánchez, mestra responsable da Escola de Educación Infantil de Areas
Clara Hermida, mestra responsable da Escola de Educación Infantil de Viñas
Paula Boado, presidenta da ANPA O Cruceiro da EEI de Coirós de Arriba
Amaya García, presidenta da ANPA Brigantium do CEIP Francisco Vales Villamarín
 Moncho Bouzas, vocal da ANPA Brigantium do CEIP Francisco Vales Villamarín 

17:15 As Escolas Unitarias da zona de Betanzos en imaxes (vídeo).

17:30 Recital poético-musical a cargo de María Lado e Lucía Aldao: “Moita Poesía, Pouca Diversión”.
(Os asistentes poderán adquirir un bono- colaboración para axudar a financiar este espectáculo)
Ao remate do acto  repartiranse camisetas deseñadas por alumnado de Escolas Unitarias. 

Iniciativa Escola Aberta ao Futuro:
EEI de Areas EEI de Coirós EEI de Viñas EEI de Ois EEI de Souto
CEIP Francisco Vales Villamarín ANPA Brigantium ANPA O Cruceiro ANPA O Acivro
Área Educativa de Betanzos. 

para o océano

para o océano

ti eras só un neno de fanequeiras vermellas que  a area enterraba, 

un brazo fortemente prendido da miña saia morada

teño medo dos bichos, mami, dos bichiños do mar

e con forza de xigante collíaste da tea.

só así deixabas que o mar che lambese, sen avanzar, as pernas, 

cravados ti e eu fronte a liña pola que a tarde escapaba.

mollándose o rodo da saia coas puntas do mar 

ti

… acordaste diso? eras só un neno 

ao abrigo do monte de mallou

os dous éramos pequeniños, coma as caramuxas, no areal deitado

un dedo de brisa percorrendo as nosas costas 

peiteando as herbas de namorar no lombo da praia 

e esas outras prantas, mami, esas que son rabiños de coello

son, si. son.

e cando se moven así é porque os coellos están contentos

están

lémbralo? eu escribira fronte ao mar 

estás aquí neste poema, ves?

e mamá tamén

e o mar

e os bichiños do mar?

tamén, e os rabiños de coello

todos aquí dentro deste poema, nesta botella, aquí metidos construíndo un recordo deste día

bótala ao mar, meu amor?

pero calabas, agarrado á saia que a brisa preñaba.  

e a onde iremos?

a onde o mar nos leve

e habemos de volver

non sabemos

e ti estarás comigo?

ata o último verso.

dende a ribeira vímola marchar. ti e máis eu, do outro lado do poema,

acórdache?

    (poema perdido nunha botella)

María Lado

...,e a poeta Lucía Aldao, aldao+lado compartirán con nós, na presentación pública do Informe Escola Aberta ao Futuro a celebrar o vindeiro 13 de Xuño ás cinco da tarde no salón de actos do CEIP Francisco Vales Villamarín, o seu recital poético-musical MOITA POESÍA, POUCA DIVERSIÓN.